Les mots surlignés font l'objet d'une note
1Monseigneur je suis depuis cinq ou six jours en ce lieu pour prendre lair et donner ordre
2à mes affaires, ce que jespère avoir faict dans autres IIII ou 6 jours. Si puis prendre le
3chemin de la court et y aller dire mes adieux, ensemble y parachever ce que je pourray de
4ce qui vous touchera et notre compaignie. Je receus hier bien tard votre lettre du VIIme aoust, acccompaignée
5de plusieurs autres. J’envoye ce matin Valernod à Paris pour mettre à la poste ceulx quescriviz
6monsieur de Chastellard qui sest mis devant à la court. Le roy et la royne ont bonne opinion
7des compaignies des Corses, ce qui pourra faciliter leur payement. Et quant aux aultres compaignies,
8je vous ay jà escrit quelles sont toutes cassées. Ledit sieur de Chastellard sollicitera par tous les
9moyens de recouvrer quelques estatz de gardes des petis seaulx pour deux des votres.
10Vray est que ce ne sera sans finance, pource que tout tourne au prouffit de la royne.
11Je persiste à mon advis quil ne sera hors de propos que faisiés ung voyaige par deça.
12Nous en deviserons de bouche sy n’estes departy avant que je soye arrivé en Daulphiné où je
13ne vois pas que nous puissions arriver guières plustost qu’à la fin de septembre, dautant
14que je pourray seiourner encore quelques huict jours passant par la court, et puis je voys
15Bellemieu. Jay bonne esperance que voz VIm l[ivres] qui sont sur la parcelle passeront ceste
16fois, car monsieur de St Bounet nous en a parlé en bonne sorte. Jen croy autant de la partie
17de monseigneur le primat, lequel nest à la court ; ny monseigneur son père, car lun est
18compaignies de gendarmes estans en garnison en Daulphiné, estant arrivé à la court,
20je feray ce que je pourray et ne doubte qu’on vous baillera la charge dy pourvoir, dautant
21que estant sur les lieux, y scauriés mieulx donner ordre, les commis des Estatz appellez,
22joinct quil vous appartient de faire ledit taux par la charge qu’avez destre lieutenant du roy.
23Je ne vous veulx celler que je prens ung plaisir indicible à me proumener en ce lieu
24qui est une belle pièce de terre toute en ung tenant et dure VIm pas à plain pied le long
25du rivaige de Seine et environ deux mil cinq cens pas de large, les trois pas
26faisans la toise ; et ayant gousté de ce plaisir, je ne mesbahis sy le prenez semblable à Laval.
27Je finiray ma lettre par mes affectueuses recommandations à votre bonne grace, priant le
28Createur vous donner
29Monsieur en parfaicte santé, longue et contente vie. De La Borde, ce XXIIIIme jour
30D’aoust 1571.
31Vostre à jamais plus fidelle et plus
32affectionné serviteur
33Truchon